Թուրքիոյ վարչապետ Ռեճեփ Թայիփ Էրտողան անցեալ գիշեր զինք դիմաւորելու եկած կողմնակիցներու առջեւ «անակնկալ ելոյթ» ունեցած է:
Թրքական «Հիւրրիյէթ» օրաթերթի կայքէջը կը հաղորդէ, որ Էրտողան յայտարարած է, որ Կեզի հանրապարտէզի դէպքերուն եւ 17 դեկտեմբերին տեղի ունեցած «փտածութեան գայթակղութեան» միջեւ կապ կայ:
«Ո՞րն է անոնց ընդհանուր կողմը: Երկուքին նպատակն էր Արդարութիւն եւ բարգաւաճում կուսակցութեան իշխանութիւնը ծունկի բերել, սակայն ատիկա ընել պիտի չյաջողին», յայտարարած է ան:
Էրտողան նշած է, որ Աստուծոյ կամքով իրենք պիտի յաջողին դուրս գալ ճգնաժամէն եւ շարունակել ժողովուրդին ծառայել:
«Թէ.Ռէ.Թէ.Հապեր» կը հաղորդէ, որ Էրտողան յայտարարած է, որ եթէ Թուրքիոյ ժողովուրդը պահանջէ, ինք պատրաստ է պաշտօնէն հեռանալու:
«Եթէ թուրք ժողովուրդը պահանջէ, որ մենք հրաժարինք իշխանութենէն, ապա մենք պատրաստ ենք, սակայն ժողովուրդը ատիկա չ՛ուզեր», ըսած է Էրտողան:
Ըստ Թուրքիոյ վարչապետին, կան ուժեր, որոնք կ՛ուզեն, որ Թուրքիա իր առաջուան վիճակին վերադառնայ:
«Թուրք ժողովուրդը ընտրութեան առջեւ է` շարունակե՞լ զարգացումն ու կառուցել նոր Թուրքիա, թէ՞ դառնալ յառաջիկայ թոյլ պետութիւնը», ըսած է ան:
30 December 2013
aztagdaily.com
